جريدة الشاهد اليومية

ياينا هالحزة!

أرسل إلى صديق طباعة PDF

رمى «قرد» كنترول التلفزيون، أثناء مشاهدته مسلسلاً، كل أبطاله يبون يصيرون من أصحاب المال والثراء، وهم يسكنون المساكن الفارهة، وقال: «عيل شتسوون لو ساكنين بكهوف»!
القرد قال: «لو معطيني ميزانية هالمسلسل جان سويت لكم خوش مسلسل، على الأقل تكون اللهجة صحيحة، مو نصها بدليات، واللي يمثلون فشلونا، ماعندهم غير، منو ياينا هالحزة، وهذي اللي صوتها حاشته ثعلبة بسبب صراخها، صار لها قرن كامل وهي تمثل»... «متى تعتزل»؟
وترك القرد مكانه وصعد فوق الشجرة، وإذا بقرد آخر يتحلطم، ويقول له: «شفت اللي شفته»؟
أجابه: «ايه... اللي كاسر خاطري، هذي اللي تمثل من أيام الأبيض والأسود وللحين علبالها أنها بالعشرينات»!